شات احلى الاوقات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شات احلى الاوقات


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

وصلك ذهب - حامد زيد

اذهب الى الأسفل  رسالة [صفحة 1 من اصل 1]

1وصلك ذهب - حامد زيد Empty وصلك ذهب - حامد زيد الجمعة أكتوبر 05, 2012 8:02 am

طٌےـوِقَےـ ٱليّےـٱسًےـمِے

طٌےـوِقَےـ ٱليّےـٱسًےـمِے
مشرف
مشرف

لا صار وصلك من ذهب ومحبتك تنسـام سـوم
. . . . روح اعشق اللي تبي تعشقه واهمل اللـي تهملـه

لا شفتني ميت ظما واشحذ من يدينـك غيـوم
. . . . في وقتها كل الكـلام اللـي تبـي تقولـه قلـه

لا جيتك اشكي من سهر ولا اشتكي من قل نـوم
. . . . من بعدها لك حق تعمـل فينـي اللـي تعملـه

انا انتظرك قبال بيتك واتصل بـك كـل يـوم؟
. . . . انا احتقر نفسي معك وارضـى ولـو بالمهزلـه؟

انا احلم بلمسة يدك واصحى على صوتك وانـوم؟
. . . . انا اتحمل مـن جفـاك اللـي محـد يستحملـه

على بشاشة طلتك !!ولا علـى الصـدر الكتـوم!!
. . . . هو فيك شـي ينقبـل ولا رضيـت اتقبلـه؟

من زين قربك من حسن عشرتك من طيب السلوم
. . . . ناقص نظر هاوي كدر غاوي عـذاب وبهذلـه؟

قد جيتك ابكي من سهر ولا اشتكي لك من هموم؟
. . . . قد مر يوم وشدنـي لمواجهـك شـوق وولـه؟

عمري تكلمت بعتب ولا نطقـت بحـرف لـوم
. . . . بيني وبينك معرفـه ولا ارتبـط معـك بصلـة؟

ما تعرف الله ؟ منت مسلم؟ ما تصلي؟ ما تصـوم
. . . . ؟ما فيه احد ما سولفت له عني ولا كذبـت لـه؟

هذا وانا اللي ما عشتقك قلـت فينـي هالعلـوم
. . . . اجل لو اني بعشقك وش اللـي كنـت بتفعلـه؟

ما اقول لك قلبي حجر ولا من العشـق معصـوم
. . . . لكن بعد مانيب من اللي كل مـن جـاه هبلـه

تزيـن ولا مـا تزيـن تـروم ولا مـا تـروم
. . . . حنا رجال ما انخلق فينـا مـع الثقـل عجلـه

ودك ليا جيت تعشق ، تعشـق معـزز ومحشـوم
. . . . اما تجي قـد الغـلا ولا اتـرك العشـق لاهلـه

في هالزمن ما يخضع لمكر النسـا غيـر الرخـوم
. . . . الذيب ما يغفـل ولا يرضـى حـدن يستغفلـه

لو تبي تشوف المرجله في حب قرم مـن القـروم
. . . . شف غيرتي لا من عذلني عـاذل ووقفـت لـه

مثلي ليا من جيـت لـه بالصبـر ولا بالعـزوم
. . . . في ذمتـي لا انتـه ولا اللـي خلفـوك تغربلـه

ما دام وياي القمـر وشلـون اطالـع بالنجـوم
. . . . ما تعرف اني لا عشقت اعشق من الزين اجملـه؟

اللي طرف جديلته تسوى شـوارب روس قـوم
. . . . هذا اللي ليا من بغيت اشتاق صدق اشتقـت لـه

هذاك احضر لموعده لو اني على المـوت معـزوم
. . . . هذاك احقر اللي يحقـره واخـذل اللـي يخذلـه

اللي ليا كف المسا كنه وكـن الشمـس تـوم
. . . . وان ضفه الصدر ورسى يـا يقتلـه يـا يقتلـه

على كثر ما عشق عدله كثر ما عشقـه ظلـوم
. . . . وعلى كثر ما كنت اعرفه كثر ما كنت اجهلـه

نعاتبك مثل الخوي ونخاصمـك مثـل الخصـوم
. . . . صعب بغيت استصعبه سهـل بغيـت استسهلـه

وصلت له ولا وصلت الا بعـد فـرك الخشـوم
. . . . ضيع له عمـري وهـو ضيـع معـي مستقبلـه

حققت فـي محبتـه مـا فـاق تحقيـق الحلـوم
. . . . وعملت معه اللي محد قبلي مـن النـاس عملـه

ما فيه عاشق دام صدقه مثل مـا صدقـي يـدوم
. . . . وما بالرجال اللي وصل ربع الذي وصلـت لـه

ان ما وقف حظي عشانه جعل حظي مـا يـدوم
. . . . في هالزمـن مـن لا يدسـم شربـه لا يفتلـه

ولا انت لا مني بغيتك جبت من شـرواك كـوم
. . . . اليـا بغـى بالزيـن ولا لا بـغـى بالمنـزلـه

من خان مره بالعمر ما هوب عيـد يخـون دوم
. . . . ومن بادر الناس بزعل يسهل على النـاس زعلـه

دام الغلا ما يستحق مـن القلـوب الا الرحـوم
. . . . ان طعتني خلك بحالك واتـرك العشـق لاهلـه

من لا تستر بالحيا مـا يستـره لبـس الهـدوم
. . . . ومن لا يزلزله الخجـل مـا فيـه شـي يزلزلـه

لا صار وصلك من ذهب ومقابلك ينسام سـوم
. . . . روح اعشق اللي تبي تعشقه واهمل اللـي تهملـه

لا شفت لي دمعة رجـا بالجفـن ولا بالكمـوم
. . . . في وقتها كل الكـلام اللـي تبـي تقولـه قلـه

لا جيتك اشكي من سهر ولا اشتكي من قل نـوم
. . . . من بعدها لك حق تعمـل فينـي اللـي تعملـه

الرجوع الى أعلى الصفحة  رسالة [صفحة 1 من اصل 1]

مواضيع مماثلة

-

» قصيدة الام - حامد زيد

صلاحيات هذا المنتدى:
لاتستطيع الرد على المواضيع في هذا المنتدى